އީރާނާއެކު ޗައިނާ އާއި ރަޝިޔާގެ މަނަވަރުތައް ހަރްމޮޒް ކަނޑުއޮޅިއަށް

ޗައިނާ، އީރާން، އަދި ރަޝިޔާގެ އަސްކަރީ ފަރިތަކުރުންތަކުގައި ބައިވެރިވާ ގިނަ ޢަދަދެއްގެ މަނަވަރުތަކާއި ޑިސްޓްރޯޔަރުތައް މިއަދު ހޮރްމޫޒް ކަނޑުއޮޅިއަށް ޖަމާވެފައިވާ ކަމަށް އީރާނުގެ މީޑިއާތަކުން ބުނެފި އެވެ.
ލައިވް ވަޒަނާއެކު ކުރިއަށްގެންދާ މިބޮޑު އަސްކަރީ ފަރިތަކުރުން ތަކުގައި ބައިވެރިވުމަށް ރަޝިޔާއާއި ޗައިނާގެ އިތުރު އުޅަނދުތައް އެސަރަހައްދަށް ދަތުރުކުރަމުންދާ ކަމަށް ވެސް ވަނީ ރިޕޯޓްކޮށްފަ އެވެ.
“ޗައިނާ އާއި ރަޝިޔާގެ ކުރިއަރާފައިވާ ބައެއް ޑިސްޓްރޯޔަރުތަކާއި އީރާނުގެ ކަނޑުގެ ލަޝްކަރުތަކުގެ ހުރިހާ ވަޞީލަތްތައް މި ޑްރިލްގެ ތެރެއިން ފެނިގެންދާނެ. މި މުއްދަތުގައި މި ސަރަހައްދަށް އެއްވެސް އުޅަނދެއް ނުވަނުމަށް އީރާނުގެ އަސްކަރިއްޔާއިން ވަނީ ހަރުކަށި އިންޒާރެއް ނެރެފަ” އީރާނުގެ ދައުލަތުގެ ޓީވީން ވަނީ ބުނެފަ އެވެ.
މިއީ މި ސަރަހައްދަށް ޖަމާވެފައިވާ އެމެރިކާގެ ބޮޑު ލަޝްކަރަށް ދޭ ސާފު މެސެޖެއް ކަމަށް ބައިނަލްއަޤްވާމީ މީޑިއާތަކުން ވަނީ ބުނެފަ އެވެ.

އިޝްތިހާރު