ޗައިނާގެ އިންޒާރެއް ޔޫރަޕަށް
📍ބްރޭކިންގ:
⚡️ރަޝިޔާގެ އެސެޓްތަކަށް އަރައިގަތުން ހުއްޓާލުމަށް އަންގާ ޗައިނާއިން ޔޫރަޕަށް އިންޒާރު ދީފި އެވެ.
ޔޫކްރޭނަށް ފައިނޭންސް ކުރުމަށް ފްރީޒްކޮށްފައިވާ ރަޝިޔާގެ އެސެޓްތައް ބޭނުން ކުރުމަށް ޔޫރަޕިއަން ކޮމިޝަނުން ހުށަހެޅި ހުށަހެޅުމަށް ޗައިނާއިން ހަރުކަށި ޖަވާބެއް ދީފިއެވެ.
ޗައިނާގެ ފޮރިން މިނިސްޓްރީގެ ތަރުޖަމާނު ލިން ޖިއާން ބުނެފައިވަނީ، އެއީ ބައިނަލްއަގްވާމީ ގާނޫނުތަކާ ހިލާފު ކަމެއް ކަމަށާއި ނުރައްކާތެރި ނަމޫނާއެއް ކަމަށެވެ. ޔޫރަޕުން އެފަދަ ފިޔަވަޅެއް އަޅައިފިނަމަ އޭގެ ނުރައްކާ ބޮޑުވާނެ ކަމުގެ އިންޒާރު ވެސް ޗައިނާއިން ވަނީ ދީފައެވެ.
ލިން ވިދާޅުވީ، ޝައްކެއްވެސްނެތްގޮތުގައި މިފަދަ އަމަލުތަކުގެ ސަބަބުން ޔޫރަޕްގެ މާލީ އަދި ބޭންކިން ނިޒާމުގެ އިތުބާރު ގެއްލި، ބައިނަލްއަގްވާމީ ނިޒާމުގެ އިތުބާރު ވެސް ގެއްލިގެންދާނެ ކަމަށެވެ. އޭނާ އިތުރަށް ވިދާޅުވީ ހުރިހާ ފަރާތަކުން ވެސް ސަމާލުކަން ދޭން ޖެހޭނީ ސުލްހައިގެ މަޝްވަރާތަކަށް ފަހި ޝަރުތުތަކެއް ގާއިމްކޮށް ޓެންޝަންތައް ކުޑަކުރުމަށެވެ.
ޔޫރަޕިއަން ކޮމިޝަންގެ ހުށަހެޅުމުގެ މަގުސަދަކީ ޔޫކްރޭނަށް އެހީތެރިވުމަށް ރަޝިޔާގެ ފްރީޒްކޮށްފައިވާ އެސެޓްތަކުގެ ތެރެއިން ގާތްގަނޑަކަށް 140 ބިލިއަން ޔޫރޯ ހޯދުމެވެ. އެކަމަކު ޗައިނާގެ އިންޒާރުން އުފެދޭ މުހިންމު ސުވާލަކީ ބޮޑެތި ބާރުތަކަށް އެއްފަރާތުން ސޮވަރިން އެސެޓްތައް ފްރީޒްކޮށް އަތުލައިގަނެވޭނަމަ، ދުނިޔޭގައި މާލީ ނިޒާމެއް އޮތުމުގެ މާނައަކީ ކޮބައި ހެއްޔެވެ؟ 🌍
މިލިޔުން ކިޔާލުމުން
