ޔޫރަޕުން ރަޝިޔާ އާ ދެކޮޅަށް ހަނގުރާމަ ފަށައިފިނަމަ މަޝްވަރާ ކުރާނެ ބަޔަކު ނުތިބޭނެ – ޕުޓިން

ޔޫރަޕާއެކު ހަނގުރާމަ ކުރުމުގެ ވިސްނުމެއް ރަޝިޔާގައި ނެތް ކަމަށާއި، ނަމަވެސް ޔޫރަޕުން އިސްވެ ހަނގުރާމަ ފަށައިފިނަމަ، ޞުލްޙައިގެ މަޝްވަރާކުރާނެ ބަޔަކުނެތި މުޅި ޔޫރަޕް ފަނާވެދާނެ ކަމުގެ އިންޒާރު ރަޝިޔާއިން ދީފި އެވެ.
ހަނގުރާމަ ފަށައިފިނަމަ ރަޝިޔާއިން ނިއުކްލިއަރ ހަމަލާގައި ޔޫރަޕް ފޮހެލާނެ ކަމުގެ އިންޒާރު ދީފައިވާއިރު، އިނގިރޭސިވިލާތާއި ފްރާންސަށް ވެސް ނިއުކްލިއާ ހަތިޔާރު ލިބިފައިވާކަން ޕޫޓިން ހަނދާންނެތިފައިވާ ކަމަށް ބައެއް މީޑިއާތަކުން ވަނީ ފާހަގަކޮށްފަ އެވެ.
އިނގިރޭސިވިލާތުގައި ގާތްގަނޑަކަށް 225 ވޯހެޑްގެ ނިއުކްލިއާ ސްޓޮކްޕައިލްއެއް ހުރިއިރު، އެބޭނުންކުރާނީ އެގައުމުގެ ޓްރައިޑެންޓް ސަބްމެރިން އިން ފޮނުވާލާ ބެލިސްޓިކް މިސައިލްތަކުގަ އެވެ.
ފްރާންސްގައި ގާތްގަނޑަކަށް 290 ވޯހެޑްގެ ސްޓޭބަލް ސްޓޮކްޕައިލްއެއް އޮތްއިރު، އެ ވޯހެޑްތައް ބޭނުންކުރަނީ ސަބްމެރިން އިން ފޮނުވާލާ ބެލިސްޓިކް މިސައިލްތަކާއި ވައިގެ މަގުން ފޮނުވާލާ ކްރޫޒް މިސައިލް މެދުވެރިކޮށެވެ.

އިޝްތިހާރު