އިސްރާއީލުގެ ލިޔުންތެރިޔާ ތަމަރު ރަފައެލް އަށް މަރުގެ އިންޒާރު

ޖަރުމަނުވިލާތުގެ ފްރެންކްފަޓްގައި ކުރިއަށްދާ ފޮތް މައުރަޒުގައި ބައިވެރިވި އިސްރާއީލުގެ ލިޔުންތެރިޔާ ތަމަރު ރަފައެލްއަށް މަރުގެ އިންޒާރުތައް ތަކުރާރުކޮށް އަންނަމުންދާ ކަމަށް އޭނާ ބުނެފި އެވެ.
މިއިންޒާރުތައް ދޭންފަށާފައިވަނީ، ފްރެންކްފަރޓް ފޮތް މައުރަޒުގައި ވާހަކަދައްކަމުން، ޣައްޒާގައި އިސްރާއީލުން ހިންގަމުންދަނީ ނަސްލު ނައްތާލުމުގެ ޤަތުލުއާއްމެއް ކަމަށް ސިފަކޮށް އޭނާ ވާހަކަދެއްކުމާއި ގުޅިގެން ކަމަށް ވަނީ ބުނެފަ އެވެ.
ރަފައެލް މި މައުރަޒުގައި ބައިވެރިވުމުގެ ހުރިހާ ޚަރަދެއް އިސްރާއީލުގެ ސަގާފަތާ ބެހޭ މިނިސްޓްރީން ހަމަޖައްސާފައިވާއިރު، މައުރަޒުގައި ރަފައެލް ޙަރަކާތްތެރިވެފައިވަނީ، ފަލަސްތީނުގެ ދިދަ ޖަހާފައިވާ ލެޕަލް ޕިނެއް ޖަހައިގެން ކަމަށް އިސްރާއީލުގެ މީޑިއާތަކުން ވަނީ ބުނެފަ އެވެ.
އިސްރާއީލްގެ ދުވަހުނޫސް ހާރެޓްޒް އިން ރިޕޯޓްކޮށްފައިވާ ގޮތުގައި ރަފައެލްގެ ވާހަކަތަކާއި ގުޅިގެން، ރޭޕް އާއި މަރުގެ 200 އަށްވުރެ ގިނަ އިންޒާރު މިހާތަނަށް ވަނީ ލިބިފަ އެވެ

އިޝްތިހާރު