ޣައްޒާގެ ޔުނިވަސިޓީއެއްގެ ޕްރޮފެސަރ އެއް ޝަހީދު ވެއްޖެ

ޣައްޒާގެ ރައްޔިތުންނާ ދެކޮޅަށް އިސްރާއީލުން އަޅާފައިވާ ދަތިކުރުމުގެ ފިޔަވަޅުތަކާ ގުޅިގެން ކާބޯތަކެތި ނުލިބި ހައިހޫނު ކަމުގައި ޣައްޒާގެ ޔުނިވަރސިޓީ ޕްރޮފެސަރ ޑރ އުމަރު ހަރްބް ޝަހީދުވެއްޖެ އެވެ.

އިސްރާއީލުން ޣައްޒާގައި ހިނގަމުންދާ ގަތުލުއާންމުތަކުގައި ޑރ އުމަރު ހަރްބްގެ އަނބިކަނބަލުންނާއި ގިނަ ދަރިންގެ ތެރެއިން އެންމެ ދަރިއަކު ފިޔަވާ ހުރިހާ ދަރިން ޝަހީދުވެފައި ވާއިރު، ހަތް ކާފަދަރިން ވެސް ވަނީ ޝަހީދުވެފަ އެވެ.

އިޝްތިހާރު

އުމަރު ހަރުބްއަކީ ޔުނިވަސިޓީގެ ޕްރޮފެސަރެއްގެ އިތުރުން ޣައްޒާގެ ގިނަ ބަޔަކު ދަންނަ މަޝްހޫރު ލިޔުންތެރިއެކެވެ.

 ރަފާހް އަށް ނިސްބަތްވާ އުމަރު ހަރްބަކީ ބިޔަ ހަށިގަނޑެއް ލިބިފައިވާ ގައިބާރުގަދަ ބޭކަލެކެވެ. . ޣައްޒާގެ ޤަތުލުއާއްމު ފެށުނުއިރު 120 ކިލޯގެ ބަރުދަން ހުރި އުމަރު ހަރްބު ޝަހީދުވިއިރު ބަރުދަން ވަނީ އެންމެ 40 ކިލޯއަށް ވެއްޓިފައެވެ.