އިސްރާއީލު އެކަހެރި ކުރުމަށް އދ ގެ މަންދޫބު ގޮވާލައިފި
ޣައްޒާއަށް އެހީ ވެއްދުން އިސްރާއީލުން ހުއްޓުވުމާ ގުޅިގެން އިސްރާއީލު އެކަހެރި ކުރުމަށް އދ ގެ މަންދޫބު ގޮވާލައިފި އެވެ.
ޣައްޒާއަށް އިންސާނީ އެހީ ފޯރުކޮށްދިނުމަށް ހިންގާ ޕްރޮގްރާމްތައް އިސްރާއީލުން ހުއްޓުވުމާ ގުޅިގެން އިސްރާއީލު ބައިނަލްއަޤްވާމީ މުޖުތަމަޢުން އެކަހެރި ކުރުމަށް ޚާއްޞަ ފިޔަވަޅުތަކެއް އެޅުމަށް އދ ގެ ޚާއްޞަ މަންދޫބު ފްރާންސެސްކާއަލްބަނީސް ގޮވާލައްވައިފި އެވެ.
އެކަމަނާ ވަނީ، އިސްރާއީލުން ބްލޮކޭޑް ނިންމާލައި އެހީގެ ޤާފިލާތައް އެތެރެވުމުގެ ހުއްދަ ނުދޭނަމަ ހުރިހާ ގައުމުތަކުން ވެސް އިސްރާއީލާއެކު ގުޅުންތައް މެދުކަނޑާލުމަށް އިލްތިމާސް ކޮށްފަ އެވެ.
ރަފާ ބޯޑަރު ހުރަސްކޮށް ވައްދާ އެހީއާއެކު އަސްކަރީ ހަތިޔާރު ޣައްޒާއަށް އެތެރެކުރާ ކަމަށް ތުހުމަތުކޮށް އެހީއެތެރެވުން ހުއްޓުވާފައިވާއިރު، ރަފާ ބޯޑަރު ހުރަސްކުރެވޭނީ ފައިމަގުގައި އެކަނި ކަމަށް ވެސް އިސްރާއީލުން ވަނީ ބުނެފަ އެވެ.
މިލިޔުން ކިޔާލުމުން
