ޣައްޒާއަކީ އަޅުވެތިކަމާ ދެކޮޅަށް ޖިހާދުކުރާ އެންމެންގެ ވެރިރަށް ކަމަށް ކޮލަމްބިއާގެ ރައީސް
ޣައްޒާއަކީ އަޅުވެތިކަމާ ދެކޮޅަށް ޖިހާދުކުރާ އެންމެންގެ ވެރިރަށް ކަމަށް ކޮލަމްބިއާގެ ރައީސް ވިދާޅުވެއްޖެ އެވެ.
ރައީސް ގުސްޓާވޯ ޕެޓްރޯ ވަނީ، ޣައްޒާއަށް ޑޮކްޓަރުންނާއި އަވަސް ސިއްހީ އެހީތެރިކަން ފޮނުވައިގެން ފަލަސްތީނުގެ ހެލްތު މިނިސްޓްރީއަށް އެހީތެރިވުމަށް ތައްޔާރަށް އޮތްކަން އިއުލާން ކުރައްވާފައެވެ.
ޕެޓްރޯ ވިދާޅުވީ އޭނާގެ ސަރުކާރުން ނިންމާފައިވަނީ، މިސްރުގެ ރެޑް ކްރެސެންޓާ ކޯޑިނޭޓްކޮށްގެން، އެހީގެ ޝިޕްމަންޓްތަކާއެކު ކޮލަމްބިއާގެ އަސްކަރީ ހޮސްޕިޓަލުގެ ޑިރެކްޓަރާއި މެޑިކަލް ޑެލިގޭޝަނެއް މިސްރު މެދުވެރިކޮށް ޣައްޒާއަށް ފޮނުވުމަށެވެ.
”ޣައްޒާގެ އިންސާނިއްޔަތުގެ ބަޠަލުންނާ“ މެދުނުކެނޑި ގުޅުން އޮންނަ ކަމަށް ވިދާޅުވެ، އެމީހުންގެ ސާބިތުކަމާއި ގުރުބާނީގެ އަގުވަޒަންކޮށް ކޮލަމްބިއާގެ އެންމެ މަތީ ޝަރަފު ކަމަށްވާ “ސައިމަން ބޮލިވާ” މެޑަލް ދިނުމަށް ނިންމާފައިވާކަން ހާމަކުރެއްވިއެވެ.
މިލިޔުން ކިޔާލުމުން
