އިސްރާއީލަށް ހަތިޔާރު ގެންދަން އުޅުނު ކާގޯ ބޯޓެއް ހުއްޓުވައިފި
އިސްރާއީލަށް ހަތިޔާރު ގެންދަން އުޅުނު އިސްރާއީލުގެ ކާގޯ ބޯޓެއް ހުއްޓުވައިފި އެވެ.
އިސްރާއީލަށް ހަތިޔާރު ގެންދަން މަސައްކަތްކުރި، އިސްރާއީލުގެ ޒިމް ޝިޕިންގ ލައިނަށް ނިސްބަތްވާ ކާގޯ ބޯޓު “ޒިމް ނިއުޒީލެންޑް” އިޓަލީގެ ޖެނޯއާ ބަނދަރުގެ މަސައްކަތްތެރިން ހުއްޓުވައިފި އެވެ.
އިޝްތިހާރު
ޔޫނިއަންތަކުގެ ތާއީދާއެކު އެމީހުން ވަނީ ބަނދަރުގެ ކޮންޓްރޯލް ހޯދައި ހަޅުތާލު އިއުލާންކޮށް، ބޯޓު ހުސްކުރުމަށްފަހު ފުރަން މަޖުބޫރު ކޮށްފަ އެވެ.
ޔޫނިއަންގެ މަންދޫބުން ބުނީ މިއީ ޖެނޯއާގެ މަސައްކަތްތެރިންނާއި ރައްޔިތުންނަށް ލިބުނު ކާމިޔާބީއެއް ކަމަށެވެ.
އިސްރާއީލުން ފަލަސްތީނު މީހުންނާ ދެކޮޅަށް ހިންގާ ނަސްލު ނައްތާލުމަށް ބޭނުންކުރާ ހަތިޔާރުތައް އިޓަލީގެ ބަނދަރުތައް މެދުވެރިކޮށް ފޮނުވުމުގެ ފުރުޞަތު ނުދޭނެ ކަމުގެ ސާފު މެސެޖެއް ދީފައިވާ ކަމަށް ވެސް ޔޫނިއަންގެ މަންދޫބުން ވަނީ ބުނެފަ އެވެ.
މިލިޔުން ކިޔާލުމުން
