ޤަޠަރުގެ އިންޒާރެއް އިސްރާއީލަށް

އިސްރާއީލުން ދޯހާއަށް ދިން ހަމަލާއަށް ރައްދު ދިނުމުގެ ޙައްގު ޤަތަރަށް ލިބިގެންވާ ކަމުގެ އިންޒާރު ގަތަރުގެ ބޮޑުވަޒީރު ދެއްވައިފި އެވެ.

”މި ފާޅުކަން ބޮޑު ހަމަލާއަށް ރައްދު ދިނުމުގެ ހައްގު ޤަތަރަށް ލިބިގެންވޭ،“ ނޫސްވެރިންގެ ބައްދަލުވުމުގައި ބޮޑުވަޒީރު ޝެއިހް މުހައްމަދު ބިން އަބްދުއްރަހްމާން އަލް ތާނީ ވިދާޅުވި އެވެ.

އިޝްތިހާރު

“އަޅުގަނޑުމެން ގަބޫލުކުރާ ގޮތުގައި މިއަދު އަޅުގަނޑުމެން މިވަނީ މުހިންމު ވަގުތަކަށް އާދެވިފައި. މިފަދަ އަނިޔާވެރި އަމަލުތަކަށް މުޅި ސަރަހައްދުން ރައްދު ދޭން ޖެހޭނެ،“ އޭނާ ވިދާޅުވި އެވެ.

ޤަތަރަށް ދިން ޙަމަލާއަކީ އެމެރިކާއިން ޤަތަރަށް ޚިޔާނާތްތެރިވި ޙަމަލާއެއްކަން ސިފަކުރައްވާ އަލް ތާނީ އިތުރަށް ވިދާޅުވީ، އިސްރާއީލުން ހަމަލާ ދިނުމުގެ ކުރިން އެކަން އެމެރިކާއަށް އެންގިނަމަވެސް، އެމެރިކާގެ އޮފިޝަލުން ގަތަރަށް އިސްރާއީލުގެ ހަމަލާއާ ބެހޭ ގޮތުން އިންޒާރު ދިނީ ހަމަލާ ފެށުނުތާ 10 މިނެޓް ފަހުން ކަމަށާއި، އެހެންކަމުން މިހަމަލާއަކީ އެމެރިކާއިން ޤަތަރަށް ވެފައިވާ ބޮޑު ޚިޔާނާތެއް ކަމަށެވެ.

ޣައްޒާ ހަނގުރާމަ އާއިބެހޭގޮތުން ޤަތަރުން އަދާކުރަމުންދާ މެދުވެރިއެއްގެ ދަައުރަކީ، ގަތަރުގެ އައިޑެންޓިޓީގެ ބައެއް ކަމަށާއި އެކަމުގައި އެގައުމުގެ މަސައްކަތަށް އެއްވެސް ހުރަހެއް އެޅިގެން ނުވާނެކަމަށް ވެސް އޭނާ ވިދާޅުވި އެވެ.