ކުޅުދުއްފުށީ ފަރަށް އެރި ބޯޓް ފުންކޮށްފި
ކުޅުދުއްފުށީ ބޮޑު މުހައްމަދު ކަލޭފާނު ބަނދަރާ ދިމާލު ފަރަށް އެރި ބޯޓް ފުންކޮށްފިއެވެ.
އާދިއްތަ ދުވަހުގެ ހަވީރު ފަރަށް އެރި މި ބޯޓް ފުންކުރެވިފައި ވަނީ މިއަދު ހެނދުނު 10:00 ހާއިރު އެމްއެންޑީއެފް ނޮދަން އޭރިޔާ ކޯސްޓްގާޑާއި ޓަގް ބޯޓެއްގެ އިތުރުން ސަޕްލައި ދޯންޏެއްގެ އެހީތެރިކަމާއި އެކު އެވެ.
މިހާދިސާގައި ބޯޓުގެ އަރިމަތި ވަނީ ވަަރަށް ބޮޑަަށް ފަޅައިގެން ގޮސްފަ ކަމަށް މައުލޫމާތު ލިބެ އެވެ.
ބޯޓް ފަަރަށް އަރާފައިވަނީ އިންޖީނު މައްސަލައެއް ދިމާ ވެގެން މަރާމާތަށް މަޑު ކުރުމަށް ފަހު ފުރާފައި ވަނިކޮށް ފުރިފަހުން އިންޖީނު ހުއްޓިގެން ކަމަށް މައުލޫމާތު ލިބެ އެވެ.
އަދި ބޯޓުގައި ފަސިންޖަރުން ނެތް ކަމަށާއި ބޯޓު ފުރާފައިވަނީ 500 ކޭސް ފެން ހިފައިގެންކަން ވަނީ އެޓޯލް ނިއުސްއަށް މައުލޫމާތު ލިބިފަ އެވެ.
މިހާދިސާގައި ފަރަށް އަރާފައިވަނީ ހއ އަތޮޅާއި ހދ އަތޮޅުގެ ބައެއް ރަށްތަކަށް މުދާ އުފުލުމަށް މާލެ ދަތުރުކުރާ ޑީއެމްއެމް އެކްޕްރެސް ނަމަކަށް ކިޔާ ދ. އަތޮޅުގެ މީހެއްގެ ބޯޓެކެވެ.
މިވަގުތު ބޯޓް އޮތީ ކުޅުދުއްފުށޯ ސަރަހައްދީ ބަނދަރަށް ވައްދާފަ އެވެ.
މިލިޔުން ކިޔާލުމުން
