ބޮޑުތަކުރުފާނު މަގުގެ ބައެއް މަރާމާތަށް ބަންދު ކުރަނީ
މާލޭގެ އެންމެ ބޮޑު މަގުކަމުގައިވާ ބޮޑުތަކުރުފާނު ރަނގަޅު ފެންވަރަކަށް ހެެދުމަށްޓަކައި ހޯމަ ދުވަހުން ފެށިގެން އޮކްޓޯބަރ 13 ވަނަ ދުވަހުގެ ނިޔަލަށް މަގުގެ ބައެއް ބަންދު ކުރުމަށް މާލޭ ސިޓީ ކަައުންސިލް އިން ނިންމައިފި އެވެ.
މިގޮތުން ބަންދު ކުރަން ނިންމާފައި ވަނީ މާލޭގެ އެންމެ ކާރޫ ބާރޫ ބޮަޑު ސަރަހައްދު ކަމަށްވާ އެމްއެމްއޭ ސަަރަހައްދެވެ.
ސިޓީ ކައުންސިލްއިން ކޮށްފައިވާ އިއުލާންގައިވާ ގޮތުން ނަމަ ބޮޑުތަކުރުފާނު މަގުގެ އެސަރަހައްދު މަރާމާތަށް ބަންދު ކުރެވޭ އިރު ފަޅުތެރެ ވެސް ލަފާ ފުރާ އުޅަނދު ފަހަރަށް ބޭނުމެއް ނުކުުރެވޭނެ އެވެ
ސިޓީ ކައުންސިލް އިން އިތުރަށް ބުނެފައިވާ ގޮތުން ކާރޫބާރޫ ބޮޑުވާ ވަގުތުތަކުގައި މަސް މާރުކޭޓު ސަރަހައްދުގެ މަގު ވެސް ޓްރެފިކަށް ބަންދު ކުރާނެ އެވެ.
ބޮޑުތަކުރުފާނު މަގު ރަނގަޅު ފެންވަރެއްގައި ހެދުމަށް ނިންމާފައިވާ އިރު އަމީނީ މަގުގެ އެކި ސަރަހައްދު ތަކުގެ ތާރު ގަނޑު ގަނޑު ކަނޑައިގެން ގޮސްފައިވާތީ އާއްމު ރައްޔިތުން އަންނަނީ ކަންބޮޑުވުން ފާޅު ކުރަމުންނެވެ.
މިލިޔުން ކިޔާލުމުން
