ނ.މާފަރު ސްކޫލު މަދަޙަ މުބާރާތް 2018 ނިންމާލައިފި
މިމުބާރާތަކީ މިމަދަރުސާގައި ދަރިވަރުންގެ މެދުގައި ދީނީ ކަންކަމަށް ލޯބިޖެއްސުމައި ދީނީކަންކަމަށް އަހުލުވެރިކުރުމާއެކު އެކުދިންގެ ހުނަރުވެރިކަން އިތުރު ކުރުމަށްޓަކައި ބޭއްވޭ މުބާރާތެކެވެ. މިއީ މިސުކޫލުގެ 7ވަނަ މަދަހަ މުބާރާތެވެ. މުބާރާތުގައި ބައިވެރިވުމުގެ ފުރުސަތު ހުޅުވާލެވުނީ ދަރިވަރުންނާއި ބެލެނިވެރިންނަށެވެ. އެގޮތުން މިމުބާރާތުގައި 100 ދަރިވަރުންނާއި 06 ބެލެނިވެރިން ވަނީ ބައިވެރިވެފައިވެއެވެ.
ޮ
އަދި ހަމައެއާއިއެކު ގުރޫޕު މަދަހަ ހުށައެޅުމަށް، ދަރިވަރުންގެ 5 ގުރޫޕް ވެސް ބައިވެރިވިއެވެ. މުބާރާތް ކުރިއަށް ގެންދެވުނީ 6 އުމުރުފުރާއަކަށް ބަހާލެވިގެންނެވެ. އެއީ ބޭބީ ނާސަރީ ނާސަރީ، އެލްކޭޖީ ޔޫކޭޖީ، ގުރޭޑް1 2 3، ގުރޭޑް4 5 6 7، ގުރޭޑް8 9 10 އަދި ބެލެނިވެރިންގެ އުމުރުފުރާއެކެއެވެ.
މާފަރު ސްކޫލުން ހާމަކުރިގޮތުގައި އެއްވެސް ކުއްޖަކު ބާކީ ނުކުރުމުގެ ސިޔާސަތުގެދަށުން ހުރިާކަމެއްގައުވެސް ނުކުޅެދުންތެރިކަން ހުންނަ ފަރާތްތައްވެސް ބައިވެރި ކުރެއެވެ. އެގޮތުން ހުޅުވާލި ފުރުޞަތުގެތެރެއިން މި މުބާރާތުގައި ސެން ކިލާހުގެ ދެދަރިވަރަކު ވެސް ވަނީ އެކުދިންގެ ހުނަރު ވަރަށް ފުރިހަމައަށް ދައްކާލާފައެވެ.
އިނާމު ދިނުމުގެ ޖަލްސާގައި މުބާރާތުގެ އިސް ޖަޖު، އިބްރާޙީމް ރަމީޒު ފާހަގަ ކުރި ގޮތުގައި ހުރިހާ ކުދިންގެވެސް މަދަހަ ކިޔުން ޖުމުލަ ގޮތެއްގައި ވަރަށް ފުރިހަމަ ކަމަށާއި ހުށައަޅައިދިނުން ރަނގަޅު ކޮށްލައިފިނަމަ ވަރަށް ބޮޑުތަން ރަނގަޅުވެގެންދާނެކަމަށެވެ. އެގޮތުން މޫނު މައްޗަށް ގެންނަންޖެހޭ ބަދަލުތަކާއި އަތުގެ ހަރާކާތްތައް ގެންގުޅޭނެ ގޮތްތަކަށްވަނީ އަލިއަޅުވަލާފައެވެ. ހަމަ އެއާއެކު ބައެއް ކުދިންގެ ކިޔުންތަށް ވަރަށް ވާދަވެރިވެގެން ދިޔަކަންވެސް ވަނީ ފާހަގަކޮށްފައެވެ.
މުބާރާތުގެ ވަނަތަކަށް ދިޔަ ކުދިންނަށްވަނީ ތައްޓާއި ހަނދާނީ ލިޔުންވެސް ބައްސަވާފައެވެ. މިގޮތުން މުޅި މުބާރާތުގެ އެއްވަނައަށް ގޮސްފައިވަނީ ގްރޭޑް 4 ގެ ދަރިވަރު ލަމްސާ މުޙައްމަދެވެ. މުޅި މުބާރާތުގެ ދެވަނައަށް ގޮސްފައިވަނީ ގްރޭޑް 8ގެ ދަރިވަރު އިޝާ އަޙްމަދެވެ. އަދި މުޅި މުބާރާތުގެ ތިންވަނައަށް ގޮސްފައިވަނީ ގުރޭޑް 8ގެ ދަރިވަރު ޖީނާ މުޙައްމަދެވެ.
މިމުބާރާތް ވަނީ ވަރަށް ކާމިޔާބުކަމާއެކު ނިންމާލެވިފައެވެ.