ބަޣުދާދުގައި ޖާނުންފިދާވެގެން ދިން ޙަމަލާއެއްގައި 27 މީހުން ޝަހީދުވެއްޖެ

ޢިރާޤުގެ ވެރިރަށް ބަޣުދާދުގައި ޖާނުންފިދާވެގެން ދިން  ޙަމަލާއެއްގައި 27 މީހުން ޝަހީދުވެއްޖެއެވެ.

މިޙަމަލާގައި 65 މީހުން ޒަޚަމްވެފައިވާއިރު، ޖާނުންފިދާވުމުގެ މިޙަމަލާ ދިން މީހާވަނީ ހަށިގަނޑުގައި ގޮވާތަކެތި ހަރުކޮށްގެން ބަޣުދާދުުގެ މެދުތެރޭގައި ހުން،ނަ ކާރުބާރު ބޮޑު އެވިއޭޝަން ސްކެއަރ ގައި އެތަކެތި ގޮއްވާލައިގެންކަމަށް، އެގައުމުގެ އިންޓީރިއަރ މިނިސްޓަރގެ ތަރުޖަމާން ސައުދު މާންއާ ހަވާލާ މީޑިޔާއިން ރިޕޯޓްކުރެއެވެ.

އިޝްތިހާރު

ދާދި ފަހުން ޢިރާޤުގެ ބޮޑުވަޒީރު ހައިދަރުލް އަބާދީ ވަނީ 3 އަަހަރުވެފައިވާ އެގައުމުގެ ދާޚިލީ ހަނގުރާމަ ނިމުމަކަށް އައިސްފައިވާކަން އިޢުލާނުކޮށްފައެވެ. ނަމަވެސް މިފަދަ ޙަމަލާތަކުގެ ސަބަބުން ޢިރާޤު ހަނގުރާމައިން ސަލާމަތްވެފައިވާކަމާމެދު މުރާސިލުން ދަނީ ސުވާލު އުފައްދަވަމުންނެވެ.