އެސްޓީއޯ މުއައްޒަފުންގެ މުސާރައިގެ އޮނިގަނޑު މުރާޖާޢާކުރަނީ

އެސްޓީއޯގެ ހިންގުން ހަރުދަނާކޮށް ވިޔަފާރި ސްޓްރީމްލައިން ކުރުމަށްޓަކައި ކުރަމުންދާ ރީސްޓްެރަކްޗަރިންގެދަށުން އެކުންފުނީގެ މުއައްޒަފުންގެ މުސާރައިގެ އޮނިގަނޑު މުރާޖާޢާކުރަން ނިންމައިފިއެވެ.

މިހާރު އެސްޓިއޯގެ މުސާރައިގެ އޮނިގަނޑު ބައްޓަން ވެފައިވަނީ ސިވިލް ސާވިސް އަދި ސަރުކާރުގެ އެހެނިހެން މުއައްސަސާތައް ފަދަ އާާންމުންނަށް ހިދުމަތް ދިނުމަށް އުފެދިފައިވާ އޮފީސް ތަކުގެ ސްޓަރަކްޗަރ އަށް އެެއްގޮތަށެވެ.

އިޝްތިހާރު

އެހެންނަމަވެސް އެސްޓީއޯ ރީސްޓްރަކްޗަރ ކުރުމުގެ ދަށުން، މުސާރައިގެ އޮނިގަނޑަށް ބަދަލުގެނައުމަށް ނިންމައި އެސްޓީއޯގެ މުސާރައިގެ އޮނިގަނޑަކީ މިޒަމާނުގެ ވިޔަފާރި ކުންފުނިތަކުުގައި ބޭނުންކުރާފަދަ އިންސެންޓިވް ބޭސްޑް ސްޓަރަކްޗަރ އަކަށް ވެގެންދާނެއެވެ.

މިގޮތުން މުވައްޒަފުންގެ މުސާރައިގެ އޮނިގަނޑުގެ ތެރެއަށް ސޭލްސް ކޮމިޝަން އަދި ޓާގެޓް އެޗީވް ކުރުމުން ލިބޭ އެހެނިހެން އެލަވަންސް ތައާރަފްކޮށް މުސާރައިގެ އޮނިގަނޑު އަލުން އެކުލަވާލުމަށް ވަނީ ނިންމައިފައެވެ.

މިކުންފުނިން ގަބޫލު ކުރަނީ މިކަމުގެ ސަބަބުން މުއައްޒަފުންނަށް ލިބެމުންދާ މުސާރަ އިތުރުވެ ކުންފުނިން ދެމުންދާ ހިދުމަތުގެ ފެންވަރު ރަނގަޅުކުރެވި ކުންފުނީގެ ހިންގުން ހަރުދަނާވެގެން ދާނެ ކަމަށެވެ.