އުރީދުގެ ހެޑް ކުއާޓަރއެއް ހުޅުމާލޭގައި އަޅަނީ..
އުރީދުގެ ހެޑް ކުއާޓަރއެއް ހުޅުމާލޭގައި އެޅުމަށް ނިންމާ، އެއްބަސްވުމުގައި ސޮއިކޮށްފިއެވެ.
މި އެއްބަސްވުމުގައި އުރީދޫގެ ފަރާތުން ސޮއިކުރެއްވީ އެކުންފުނީގެ ސީއީއޯ ވިކްރަމް ސިންގހަ އެވެ. ހައުސިންގ ޑިވެލޮޕްމެންޓް ކޯޕަރޭޝަން(އެޗްޑީސީ)ގެ ފަރާތުން ސޮއިކުރެއްވީ އެކުންފުނީގެ މެނޭޖިންގ ޑިރެކްޓަރު އަހުމަދު ސައިމަން އެވެ.
އެ ބިން ދޫކުރި އަގު ސާފުވާގޮތް ނުވިނަމަވެސް އުރީދޫއަށް ބިން ދީފައިވަނީ ވެސްޓްޕާކް ދެކުނުން11145 ސްކެއަރ ފޫޓުގެ ބިމެކެވެ. އެޢިމާރާތް އެޅުމަށް 30 މަސް ދުވަހުގެ މުއްދަތެއް ވަނީ ދީފައެވެ.
ކުރިއަށް އޮތްތަނުގައި އެކުންފުނީގެ ހެޑްކުއާޓަރ އެބިމުގައި ހަދާ ޢިމާރާތުގައި ހިންގާ އިރު، އުރީދޫ އަކީ އެފަދަ ބައިނަލްއަގުވާމީ ކުންފުންޏެއް ހުޅުމާލޭގައި ހެޑްކުއާޓަރ ހަދާ ފުރަތަމަ ކުންފުނިކަން ފާހަގަކޮށްލެވެއެވެ.