ހޭންޑްބޯލް ކޯޗިންގ ކޯހެއް މިމަހު ފަށަނީ..
ހޭންޑްބޯލް ކޯޗިންގ ކޯހެއް މިމަހު ފެށުމަށް ނިންމާ، ބައިވެރިވުމުގެ ފުރުޞަތު ހުޅުވާލައިފިއެވެ.
މިމަހުގެ 19ން 28އަށް މާލޭގައި ބާއްވާ މި ކޯހަކީ ހޭންޑްބޯލް އެސޯސިއޭޝަނުން އިންތިޒާމްކޮށްގެން ބާއްވާ ކޯހެކެވެ. މި ކޯހުގައި ބައިވެރިވާ ބޭނުންވާ ފަރާތްތަކުން މިމަހުގެ 15 ވަނަ ދުވަހުގެ ކުރިން ލިޔުމަކުން އެކަން ހޭންޑްބޯލް އެސޯސިއޭޝަނަށް އަންގަން ޖެހޭނެ ކަމަށް އެ އެސޯސިއޭޝަނުން ބުނެއެވެ.
އެ އެސޯސިއޭޝަނުން މިއަހަރު ބާއްވާ ފުރަތަމަ ކޯހުގައި ކިޔަވައިދެއްވާނީ ހޭންޑްބޯލް އެސޯސިއޭޝަންގެ ކޯޗިންގ ކޮމިޝަން ހެޑް ޢަލީ ސޮފީހު ސާމިރު އެވެ.