މަސީހުގެ އިތުބާރު ނެތްކަމުގެ ވޯޓު ނަގާނަން. ކާމިޔާބުވާނެ: މުސްތަފާ
ރައްޔިތުންގެ މަޖިލީހުގެ ރައީސް ޢަބްދުﷲ މަސީހުގެ އިތުބާރު ނެތްކަމުގެ މައްސަލަ ހުށަހަޅުއްވާނެ ކަމަށާއި އެކަން ކާމިޔާބު ވެސް ކުރައްވާނެ ކަމަށް ރައްޔިތުންގެ މަޖިލީހުގެ ތިމަރަފުށީ ދާއިރާގެ މެންބަރު މުހައްމަދު މުސްތަފާ ވިދާލުވެއްޖެއެވެ.
މުސްތަފާ މިހެން ވިދާޅުވެފައިވަނީ ރޭ ކުރި ޓްވީޓެއްގައެވެ.
ޓްވީޓު ކުރައްވާ މުސްތަފާ ވިދާޅުވީ މަސީހުގެ އިތުބާރު ނެތްކަމުގެ މައްސަލަ ހުށަހެޅުމުގެ މަސައްކަތް ނުހުއްޓި ކުރިއަށް ދާ ކަމަށާއި ދާދިއަވަހަށް އެމައްސަލަ ހުށަހަޅުއްވާނެ ކަމަށެވެ.
މުސްތަފާ ވިދާޅުވީ މަސީހުގެ އިތުބާރު ނެއްކަމުގެ މައްސަލަ ކާމިޔާބު ކުރެވޭ ވަރަށް މެންބަރުން ވެސް މިހާރު ހަމަކުރެވިފައިވާ ކަމަށެވެ. އަދި އެކަން އެއީ ވާނެކަމެއް ކަމަށް ވެސް މުސްތަފާ ވިދާޅުވިއެވެ.
އިތުރަށް މުސްތަފާ ވިދާޅުވެފައިވަނީ މަޖިލީހުގެ ރައީސްގެ އިތުބާރު ނެތްކަމުގެ މައްސަލަ ވައްދަން އުޅެނީ ރައްޔިތުންގެ އަޑު ކަނޑުވާލުމަށް މަސައްކަތް ކުރައްވާތީ ކަމަށެވެ.
މިލިޔުން ކިޔާލުމުން
