ސްޕެޝަލް އޮލިމްޕިކްސްގައި ރާއްޖޭގެ ފިރިހެން ޓީމު ބްރޯންޒު މެޑެލް ހޯދައިފި

ސްޕެޝަލް އޮލިމްޕިކްސްގައި ރާއްޖޭގެ ފިރިހެން ޓީމު ބްރޯންޒު މެޑެލް ހޯދައިފިއެވެ.
އެޓީމު ބްރޯންޒު މެޑެލް ހޯދީ ޗެންނާއީގެ ޖަވާހިރު ލާލް ނެހުރޫ ސްޓޭޑިއަމްގައި ބޭއްވި މުބާރާތުގައި މިއަދު ކުޅުނު މެޗުގައި އޮސްޓްރޭލިއާ އާވަދަކޮށް ބަލިވިނަމަވެސް، ބައިކޮޅަށް ވަން ލަނޑު މަދުވުމުންނެވެ.
މިއަދުގެ މެޗުގައި އޮސްޓްރެލިއާއިން ދެލަނޑަށްވުރެ އިތުރަށް ޖެހިނަމަވެސް ރާއްޖެއަށް ބްރޯންޒް މެޑެލް ގެއްލޭ އިރު، ރާއްޖޭގެ ޓީމުން މިއަދުވަނީ މޮޅު ކުޅުމެއްދައްކާފައެވެ.
ފިރިހެން ޓީމުގެ އޮފިޝަލެއްކަމަށްވާ އިބްރާހިމް ރަމީޒު (އިބޭ) ވިދާޅުވީ މިއީ އެއްމަސްދުވަހުގެ ފަރިތަކުރުމާއެކު ލިބުނު ކާމިޔާބީއެއް ކަމަށާއި ދިގުމުއްދަތެއްގައި ފަރިތަކުރުންތައް ބޭއްވުނުނަމަ، މިއަށްވުރެ ރަނގަޅުވާނެ ކަމަށެވެ.
އޭޝިއާ ބައްރުގައި ބޭއްވި ސްޕެޝަލް އޮލިމްޕިކްސް އިންޓަރނޭޝަނަލް ފުރަތަމަ ފުޓުބޯޅަ މުބާރާތުގައި ރާއްޖޭގެ ފިރިހެން ޓީމު މިހޯދި ކާމިޔާބީއަކީ ޤައުމީ ފެންވަރުގެ ކާމިޔާބީއެކެވެ.
މިކާމިޔާބީއަށް އެޓޯލްނިއުސްގެ ފަރާތުން މަރުޙަބާކިޔަމެވެ.

އިޝްތިހާރު