ކާބޯތަކެތީގެ ޚިދުމަތްދޭ ތަންތަން ދަންވަރު 1 ޖަހަންދެން ހުޅުވާފައި ބަހައްޓަން ހުއްދަ ދީފި

ކާބޯތަކެތީގެ ޚިދުމަތްދޭ ތަންތަން ދަންވަރު 1 ޖަހަންދެން ހުޅުވާފައި ބަހައްޓަން ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހުއްދަ ދީފި އެވެ.

ޑިރެކްޓަރ ޖެނެރަލް އޮފް ޕަބްލިކް ހެލްތު، މައިމޫނާ އަބޫބަކުރު ސޮއިކުރައްވައި އެޗްޕީއޭއިން ރޭ ގެޒެޓު ކުރި އެންގުމުގައި ބުނީ، ކޮވިޑުން ރައްކާތެރިވުމުގެ ގައިޑްލައިންތަކާ އެއްގޮތަށް، ހޮޓާ، ކެފޭ، ރެސްޓޯރެންޓް ފަދަ ކާބޯތަކެތީގެ ޚިދުމަތްދޭ އެންމެހާ ތަންތަން އިކޮނޮމިކް މިނިސްޓްރީން ކަނޑައަޅާފައިވާ އާންމު ހާލަތުގެ ގަޑިތަކުގައި ޚިދުމަތް ދިނުމަށް ހުޅުވާލާނެ ކަމަށެވެ.

އިޝްތިހާރު Below Header ad

އާންމު ހާލަތުގެ ގަޑިތަކަކީ ފަތިހު 4:30 އިން ދަންވަރު 1:00ގައި ޚިދުމަތް ދިނުމެވެ.

ކޮވިޑާ ގުޅިގެން އެޗްޕީއޭ އިން މީގެކުރިން އަޅާފައިވާ ފިޔަވަޅުތަކުގެ ދަށުން ޕާޓީތައް ބާއްވަން ހުއްދަ ދިން ނަމަވެސް 30 މީހުންނަށް ވުރެ އިތުރަށް އެއް ވަގުތެއްގައި މީހުން އެއްތަނަކަށް އެއްވެ ތިބުން އޮތީ މަނާކޮށްފަ އެވެ.

ރާއްޖޭގައި ކޮވިޑުގެ ހާލަތު އައު ނޯމަލް ހާލަތަށް އައިސްފައިވާތީ އެޗްޕީއޭ އިން ވަނީ ކޮވިޑުގެ ގައިޑްލައިންތަކާ އެއްގޮތަށް ހަފްލާތަކާއި ޕާޓީތައް ކުރިއަށް ގެންދެވޭނެ ކަމަށް ވެސް ބުނެފަ އެވެ. އަދި ޔުނިވަރސިޓީތަކާއި ކޮލެޖުތަކަށް ދަރިވަރުން ހާޒިރުވެގެން ކިޔަވައިދެވޭނެ ކަމަށް ވެސް ވަނީ ބުނެފަ އެވެ.

މީގެ އިތުރުން ސަރުކާރު އޮފީސްތަކަށް މުވައްޒަފުން ހާޒިރުވެގެން މަސައްކަތް ކުރުމަށް ވެސް ވަނީ ހުޅުވާލާފަ އެވެ.

ނަމަވެސް އެގޮތަށް ހުޅުވާލާއިރު، މިމަހުގެ ނިޔަލަށް ވެކްސިން ޖެހޭ އުމުރުފުރައިގެ ދަރިވަރުންނާއި މުވައްޒަފުންގެ 95 އިންސައްތަ ވެކްސިން ފުރިހަމަ ކުރުން މުހިންމު ކަމަށް އެޗްޕީއޭ އިން ވަނީ ބުނެފަ އެވެ.

މިލިޔުން ކިޔާލުމުން

ވައިބަރ ޗެނަލަށް ވަންނަވާ
އިޝްތިހާރު

ޚިޔާލު ފާޅުކުރައްވާ


ގުޅުން ހުރި ލިޔުންތައް

Below Comments Ad
Back to top button
Close

Ad blocker Detected ! ފޮޓޯ ބްލޮކް ކުރާއެއް ފެނިއްޖެ

ތިޔަ ޑިވައިސްގައި ފޮޓޯ ބްލޮކް ކުރާ ސޮފްޓްވެއަރ/އެޕް އެއް އަޅާފައި އެބަހުއްޓެވެ. އެހެންކަމުން މިވެބްސައިޓްގައިވާ ފޮޓޯތައް ނުފެނުން އެކަށީގެންވެއެވެ. ފޮޓޯތައް ފެންނަ ގޮތަށް ވަނުމަށްޓަކައި ފޮޓޯ ބްލޮކް ކުރާ (އެޑް ބްލޮކަރ) އޮފކޮށްލައްވާށެވެ.