ހިސާންގެ ބޮލަށް ބިލު ޖަހާ، ހިސާން ހަވަރަށް ދީފި: މިކާއިލް

އެމްޑީޕީގެ ޕާލިމެންޓްރީ ގްރޫޕުން ނިންމުމާއެކު، މަޖިލީހުގެ ގަލޮޅު ދެކުނު ދާއިރާގެ މެމްބަރު މީކާއިލް ނަސީމް ގެ ހޫނު ރައްދެއް އެމްޑީޕީއަށް އަމާޒު ވެއްޖެ އެވެ.

މީކާއިލް ބަހުގެ ހަމަލާތަކެއް އަމާޒުކޮށްފައި މިވަނީ ސަރުކާރުގެ ފަރާތުން ޖުޑިޝަލް ސާވިސް ކޮމިޝަން (ޖޭއެސްސީ) އަދި ތުޅާދޫ ދާއިރާގެ މެންބަރު ހިސާން ހުސައިން ހުށަހެޅުއްވި ގާނޫނުލް އުގޫބާތަށް އިސްލާހު ގެނައުމުގެ ބިލު އަނބުރާ ޖުޑިޝަރީ ކޮމިޓީއަށް ފޮނުވާލަން ނިންމުމާއި ގުޅިގެން ނެވެ.

އިޝްތިހާރު

ނަފުރަތުގެ އަމަލުތަކަކީ ޖިނާއީ ކުށެއްގެ ގޮތުގައި ކަނޑައަޅާ ގޮތަށް ގާނޫނުލް އުގޫބާތަށް އިސްލާހު ގެނައުމުގެ ބިލު ދިރާސާކޮށް ޖުޑިޝަރީ ކޮމިޓީން އެކުލަވާލި ރިޕޯޓަށް ބަހުސް ކުރަމުން މީކާއީލް ވަނީ ސަރުކާރުން އެ ބިލު ދިފާއު ކުރަން އެއްވެސް މަސައްކަތެއް ނުކުރައްވާތީ ކަންބޮޑުވުން ފާޅުކުރައްވާފަ އެވެ.

އެގޮތުން އެ ބިލު މަޖިލީހަށް ފޮނުވީ ސަރުކާރުން ކަމަށާއި މިބިލު ފޮނުވުމަށްފަހު ސަރުކާރުން މިބިލް ހިސާން ބޮލަށް ޖަހާފައި ހިސާން ހަވަރަށް ދީފައިވާ ކަމަށް މީކާއިލް ވަނީ ވ ިދާޅުވެފަ އެވެ. އަދި ރައްޔިތުންގެ މަޖިލީހުގައި އޮތީ ވެރިކަން ކުރާ އެމްޑީޕީގެ “ފިޑި ސުޕަރ މެޖޯރިޓީއެއް” ކަމަށް ވެސް އޭނާ ވަނީ ފާހަގަ ކުރައްވާފަ އެވެ.

މިބިލަށް ވާހަކަ ދެއްކެވި މެމްބަރުންގެ ތެރޭގައި ބޮޑެތި ޚިޔާލުތަފާތުވުމެއް އުފެދިފައިވާކަން އެ މެމްބަރުންގެ ވާހަކަތަކުން ދޭހަވެފައި ވެއެވެ. އަދި ބަހުގެ ހޫނު ހަމަލާތަކެއް ވެސް ދަނީ ބަދަލު ކުރަމުން ނެވެ.