ނޭޕާލުން ޗައިނާއަށް ރޭލް ދަތުރުކުރާ މަގު ހަދަނީ ހިމާލިޔާ ފަރުބަދަ ކޮނެގެން!

ނޭޕާލާއި ޗައިނާ ރޭލްގެ މަގުން ގުޅާލުމުގެ މަސައްކަތް ކުރުމަށް ނިންމާ، އެކަމުގެ ދިރާސާތައް ކުރަން ފަށައިފި އެވެ.

ރިޕޯޓުތައް ބުނާ ގޮތުން މި ރޭލު ދަތުރުކުރާ މަގު ހެދުމަށް ނިންމާފައިވަނީ ހިމާލިޔާ ފަރުބަދަ ކަނޑައިގެން ނެވެ. އަދި މިކަމާއިގުޅޭ ގޮތުން ދިރާސާތައް މިހާރުވަނީ ފަށާފަ އެވެ.

އިޝްތިހާރު Below Header ad

މމި މަޝްރޫޢަށް  ޗައިނާއިން 8 ބިލިއަން ޑޮލަރު ހޭދަކުރުމަށް ނިންމާފައިވާ އިރު، އެންމެބޮޑު ކަންބޮޑުވުމަކަށް ވަނީ މި ރޭލު ދަތުރުކުރަން ޖެހެނީ ހިމާލިޔާގެ ރައްކާ ކުރެވިފައިވާ ސަރަހައްދެއްގެ ތެރެއިން ނޭޕާލުން ޓިބެޓަށް ކަމަށްވާތީ އެވެ.

އިންޖިނޭރުންނާ ހަވާލާދީ ރިޕޯޓުތައް ބުނަނީ ނޭޕާލުން ޗައިނާ ސަރަހައްދު ހުރަސް ކުރެވޭނީ ހިމާލިޔާ ފަރުބަދަ ކޮނެގެން ބިމު އަޑީ މަގަކުން ނެވެ. އަދި މިކަން ކުރެވެން އޮތީ 6 ހިސާބަކުން ކަމަށާއި މި ހުރިހައި ތަނަކީވެސް ނާޒުކު ތިމާވެއްޓެއް އޮންނަ ސަރަހައްދުތައް ކަމަށެވެ.

ޗައިނާއާއެކު ގާތް ގުޅުމެއް ނޭޕާލުން ބާއްވަމުން އަންނަ އިރު، ނޭޕާލްގެ ވިޔަފާރީގެ އެންމެ ބޮޑު ބައިވެރިއަކީ އިންޑިއާ އެވެ.

އިންޑިއާއާއެކު އަހަރަކު 8 ބިލިއަން ޑޮލަރުގެ ވިޔަފާރި ނޭޕާލުން އަންނަނީ ކުރަމުން ނެވެ. އެކަމަކު ޗައިނާއާއި ނޭޕާލްގެ ވިޔަފާރި އުޅެނީ ގާތްގަޑަކަށް 20 މިލިއަން ޑޮލަރުގަ އެވެ.

ނޭޕާލަކީ، އޭޝިއާގައި އުތުރު ކޮރެއާއަށްފަހު ދެވަނައަށް އެންމެ ފަގީރު ގައުމެވެ.

މިލިޔުން ކިޔާލުމުން

ވައިބަރ ޗެނަލަށް ވަންނަވާ
އިޝްތިހާރު

ޚިޔާލު ފާޅުކުރައްވާ


ގުޅުން ހުރި ލިޔުންތައް

Below Comments Ad
Back to top button
Close

Ad blocker Detected ! ފޮޓޯ ބްލޮކް ކުރާއެއް ފެނިއްޖެ

ތިޔަ ޑިވައިސްގައި ފޮޓޯ ބްލޮކް ކުރާ ސޮފްޓްވެއަރ/އެޕް އެއް އަޅާފައި އެބަހުއްޓެވެ. އެހެންކަމުން މިވެބްސައިޓްގައިވާ ފޮޓޯތައް ނުފެނުން އެކަށީގެންވެއެވެ. ފޮޓޯތައް ފެންނަ ގޮތަށް ވަނުމަށްޓަކައި ފޮޓޯ ބްލޮކް ކުރާ (އެޑް ބްލޮކަރ) އޮފކޮށްލައްވާށެވެ.