ޕާކިސްތާނުގެ ހާފިޒް ސައީދު ގޭގެ ކައިރީގައި މަތީގައި ބާރުގަދަ ބޮމެއް ގޮއްވާލައި

ޕާކިސްތާނުގެ ލާހޯރުގައި ހުންނަ ލަޝްކަރޭ ތޮއިބާގެ ކޯ ފައުންޑަރު ހާފިޒް ސައީދުގެ ގޭގެ ދޮރު މަތީގައި ބާރުގަދަ ބޮމެއް ގޮއްވާލައިފި އެވެ.

ރިޕޯޓުތައް ބުނާގޮތުގައި ބޮން ގޮއްވާލުމުގެ ހާދިސާގައި ދެ މީހަކު މަރުވެފައިވެ އެވެ. އަދި 16 މީހުން މި ހާދިސާގައި ޒަހަމްވި އެވެ.

އިޝްތިހާރު Below Header ad

މަންޒަރު ދުށް މީހުން މީޑިއާގައި ބުނެފައިވަނީ ބޮމުގެ ބާރުގަދަ ކަމުން އެ ސަރަހައްދުގެ އިމާރާތްތަކަށް ގުޑުން އަރައި ގޭގެއާއި ފިހާރަތަކުގެ ބިއްލޫރިތައް ފުނޑުފުނޑުވި ކަމަށެވެ. އަދި ހާދިސާގައި ޒަހަމްވި މީހުން ހޮސްޕިޓަލަށް ގެންދިޔައީ އަވަސް ކުރުމުގެ ގޮތުން އަމިއްލަ މީހުންގެ ކާރުތަކާއި އޮޓޯ ރިކްޝާ ތަކުގައި ކަމަށް ބުނެފައިވެ އެވެ.

އެ ބޮން ގޮއްވާލާފައިވަނީ އެ ސަރަހައްދަށް ނިސްބަތް ނުވާ މީހަކު ހާފިޒު ސައީދު ގޭގެ ކައިރީގައި ބެހެއްޓި ސައިކަލެއް ދުރަށް ގޮސް ގޮއްވާލައިގެންނެވެ. ބޮން ހަރުކޮށްފައި އިނީ ސައިކަލުގައި އެވެ.

މި ހަމަލާގެ ޒިންމާ އަދި އެއްވެސް ޖަމާއަތަކުން ނަގާފައެއް ނުވެ އެވެ.

ޕާކިސްތާނު ސަރުކާރުން ވަނީ ލާހޯރުގައި ދިން މި ހަމަލާ ތަހުގީގު ކުރަމުންދާ ކަމަށް ބުނެފަ އެވެ.

މިލިޔުން ކިޔާލުމުން

ވައިބަރ ޗެނަލަށް ވަންނަވާ
އިޝްތިހާރު

ޚިޔާލު ފާޅުކުރައްވާ


ގުޅުން ހުރި ލިޔުންތައް

Below Comments Ad
Back to top button
Close

Ad blocker Detected ! ފޮޓޯ ބްލޮކް ކުރާއެއް ފެނިއްޖެ

ތިޔަ ޑިވައިސްގައި ފޮޓޯ ބްލޮކް ކުރާ ސޮފްޓްވެއަރ/އެޕް އެއް އަޅާފައި އެބަހުއްޓެވެ. އެހެންކަމުން މިވެބްސައިޓްގައިވާ ފޮޓޯތައް ނުފެނުން އެކަށީގެންވެއެވެ. ފޮޓޯތައް ފެންނަ ގޮތަށް ވަނުމަށްޓަކައި ފޮޓޯ ބްލޮކް ކުރާ (އެޑް ބްލޮކަރ) އޮފކޮށްލައްވާށެވެ.