އެންދަމަން ފޭބި 59 އަހަރުގެ މީހަކު މަރުވެއްޖެ
އެންދަމަން ފޭބި 59 އަހަރުގެ މީހަކު މަރުވެއްޖެ އެވެ.
ފުލުހުން ބުނީ އެއީ ގއ. ދެއްވަދޫ ކައިރިއަށް އެންދަމަން ފޭބި މަސްވެރިއެއް ކަމަށެވެ. އަދި އޭނާގެ ހާލު ދެރަވުމުގެ ސަބަބުން ދެއްވަދޫއަށް ގެންދިއުމަށް މަސައްކަތް ކުރިކަމުގެ މައުލޫމާތު 16:40 ގައި ފުލުހުންނަށް ލިބިފައިވާ ކަމަށެވެ.
އޭނާ ހެލްތު ސެންޓަރަށް ގެނެވުނު އިރުވެސް މަރުވެފައިވާ ކަމަށް ވަނީ މަޢުލޫމާތު ލިބިފަ އެވެ.
މި ހާދިސާޔާއި ގުޅިގެން އިތުރު ތަހުގީގުތައް ފުލުހުން އަންނަނީ ކުރަމުން ނެވެ.