އިނގިރޭސިވިލާތުގެ ވެކްސިން ޕްރޮގްރާމް ކާމިޔާބީތަ؟ އިއްޔެ ކޯވިޑްގައި އެ ގައުމުން މީހަކު މަރެއް ނުވޭ!

އިއްޔެ އަކީ އިނގިރޭސިވިލާތުން ކޯވިޑްގެ ފުރަތަމަ މަރު ފެނުނުފަހު ވަރަށް ހާއްސަ ދުވަހެކެވެ.

އިނގިރޭސިވިލާތުގެ ޑިޕާޓްމެންޓު އޮފް ހެލްތް އިން ބުނީ އިއްޔެ އެ ގައުމުގެ އެއްވެސް ސްޓޭޓަކުން ކޯވިޑް ޖެހިގެން މީހަކު މަރުވެގެން ރެކޯޑު ކުރެވިފައި ނުވާ ކަމަށެވެ. އެއީ މިދިޔަ 10 މަސް ދުވަހުގެ ތެރޭގައި އިނގިރޭސިވިލާތުގައި ކޯވިޑް ޖެހިގެން މީހަކު މަރުނުވާ ފުރަތަމަ ދުވަހެވެ.

އިޝްތިހާރު Below Header ad

އެ އިދާރާއިން ބުނީ އެއީ ލިބުނު ވަރަށް ބޮޑަށް ކުރިއެރުމެެއް ކަމަށެވެ. އެކަމަކު އޭގެ މާނައަކީ ރެކޯޑު ކުރެވިފަ ނެތަސް އެކި ސަރަހައްދުތަކުން ކޯވިޑް ޖެހިގެން މީހުން މަރުވާ ނުވާނޭކޭ ނޫން ކަމަށެވެ.

ބެލެވޭގޮތުގައި އިއްޔެ ކޯވިޑްގައި މަރުވިކަން ރެކޯޑު ކުރެވިފައި ނުވަނީ ބޭންކްތައް ބަންދުކޮށްފައިވުމާއި ބަންދު ދުވަހެއް ކަމުން ލިޔެކިޔުންތައް ސިސްޓަމަށް އެންްޓާ ކުރުމުގައި ގިނަ އިރު ވާނެތީ އެވެ.

އިއްޔެ ކޯވިޑްގެ މަރެއް ރެކޯޑު ކުރެވިފައި ނުވާތީ އިނގިރޭސިވިލާތުގެ ވައިރަސް ޓްރެކް ކުރާ ސައިންޓިސްޓަކު ވަނީ އިނގިރޭސިވިލާތުގައި ބޭޏުން ކުރަމުންދާ ކޯވިޑް ވެކްސިން މަސައްކަތް ކުރާ ކަމަށް ކަނޑައަޅާފައި އެވެ.

އެވާހަކަތަކާއި ގުޅިގެން ބައެއް މަޖިލީސް މެމްބަރުން ވިދާޅުވެފައިވަނީ ކޯވިޑް ފެތުރުން ކޮންޓްރޯލް ވެފައިވާ ވަރު އަދި ނޭނގޭ ކަމަށެވެ. އަދި މިމަހުގެ 21 ވަނަ ދުވަހު ބޭއްވުމަށް ހަމަޖެހިފައިވަނީ މިނިވަންކަމުގެ ދުވަހުގެ ހަރަކާތްވެސް ފަސް ކުރަން ޖެހޭ ކަމަށެވެ.

އެއީ އިނގިރޭސިވިލާތުގައި އިންޑިއާ ވޭރިއެންތް ފެތުރުމުގެ ބިރު އޮތުމުންނެވެ.

މިހާތަނަށް އިނގިރޭސިވިލާތުން ކޯވިޑް-19 އަށް 4.49 މިލިއަން މީހުން ޕޮސިޓިވްވެފައިވެ އެވެ. ބަލީގައި މަރުވެފައިވަނީ 128 ހާސް މީހުންނެވެ.

މިލިޔުން ކިޔާލުމުން

ވައިބަރ ޗެނަލަށް ވަންނަވާ
އިޝްތިހާރު

ޚިޔާލު ފާޅުކުރައްވާ


ގުޅުން ހުރި ލިޔުންތައް

Below Comments Ad
Back to top button
Close

Ad blocker Detected ! ފޮޓޯ ބްލޮކް ކުރާއެއް ފެނިއްޖެ

ތިޔަ ޑިވައިސްގައި ފޮޓޯ ބްލޮކް ކުރާ ސޮފްޓްވެއަރ/އެޕް އެއް އަޅާފައި އެބަހުއްޓެވެ. އެހެންކަމުން މިވެބްސައިޓްގައިވާ ފޮޓޯތައް ނުފެނުން އެކަށީގެންވެއެވެ. ފޮޓޯތައް ފެންނަ ގޮތަށް ވަނުމަށްޓަކައި ފޮޓޯ ބްލޮކް ކުރާ (އެޑް ބްލޮކަރ) އޮފކޮށްލައްވާށެވެ.