ރައީސް ސޯލިހު މިރޭ ނޫސްވެރިންނާ ބައްދަލުކުރައްވަނީ
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މިރޭ ނޫސްވެރިންނާ ބައްދަލުކުރައްވާނެކަމަށް ރައީސް އޮފީހުން ހާމަކުރައްވައިފި އެވެ.
ރައީސް އޮފީހުގެ ތަރުޖަމާން މުޙައްމަދު މަބްރޫކް އަޒީޒް ވިދާޅުވީ ރައީސް ސޯލިހު ނޫސްވެރިންނާ ބައްދަލުކުރައްވާނީ މިރޭ 10:00 ގައި ކަމަށެވެ.
ކޮވިޑް-19އާ ގުޅިގެން އެޅުމަށް އެންމެފަހުން ނިންމާފައިވާ ފިޔަވަޅުތަކާއި އުސޫލުތަކަށް ގެންނަން ހަމަޖެހިފައިވާ ބަދަލުތަކުގެ ފަހުގެ ތަފްސީލު، މި ބައްދަލުކުރެއްވުމުގައި ރައީސް ޙިއްސާކުރައްވާނެކަމަށް ވެސް މަބްރޫކް ވިދާޅުވި އެވެ.
President @ibusolih will meet the press tonight at 2200hrs to discuss the latest measures and policy updates related to the national #COVID19 response.
— Miuvaan Mohamed (@MvSpokesperson) May 25, 2021
ރާއްޖޭގައި ކޮވިޑް-19އަށް ޕޮޒިޓިވްވާ މީހުންގެ ޢަދަދު އިތުރުވެ، ބަލީގައި ފަރުވާދޭ މީހުންނާއި ނިޔާވާ މީހުންގެ ޢަދަދު މިހާރުވަނީ ކަންބޮޑުވާ މިންވަރަށް އިތުރުވެފަ އެވެ.
މިކަމާއި ގުޅިގެން މާލެ ޞަރަޙައްދާއި އަތޮޅުތަކުގައިވެސް ޚާއްސަ ފިޔަވަޅުތަކެއް އަޅައި ކާފިއު ހިންގުމަށް މިހާރުވަނީ އަންގާފަ އެވެ.
މިލިޔުން ކިޔާލުމުން
