ކޮވިޑު ޖެހިގެން ރާއްޖެއިން 116 ވަނަ މީހާ ނިޔާވެއްޖެ
ކޮވިޑު ޖެހިގެން ރާއްޖެއިން 116 ވަނަ މީހާ ނިޔާވެއްޖެ އެވެ.
އެޗްޕީއޭ އިން ބުނީ ރޭ 10:44 ގައި ނިޔާވެފައިވަނީ 93 އަހަރުގެ މީހެއް ކަމަށެވެ.
މިއީ ހުޅުމާލޭ މެޑިކަލް ފެސިލިޓީގައި ފަރުވާދެމުން ދިޔަ ދިވެހި އަންހެނެއް ކަމަށް ވެސް އެޗްޕީއޭ އިން ބުނެއެވެ.
Last night at 10:44pm a 93-year-old Maldivian female admitted at HMF has passed away
This is the 116th COVID-19 death in the Maldives
Our thoughts and prayers are with the bereaved family. May Allah grant her soul eternal peace in heaven
— Health Protection Agency (@HPA_MV) May 21, 2021
ރާއްޖޭގައި ކޮވިޑް-19 ގެ ބަލިމަޑުކަން ބޮޑުވަމުން އަންނަ އިރު، ބައްޔަށް ޕޮޒިޓިވް ވާ މީހުން ވެސް އަންނަނީ ކޮންމެދުވަހަކު ކަހަލަގޮތަކަށް އިތުރުވަމުން ނެވެ.
އިއްޔެ ވަނީ ރެކޯޑު ޢަދަދަކަށް ރާއްޖެއިން މީހުން ޕޮޒިޓިވް ވެފައިވާ އިރު، 2،194 މީހުން ވަނީ ޕޮޒިޓިވް ވެފައެވެ. އޭގެތެރޭގައި މާލެ ސަރަހައްދުން 1698 މީހުންނާއި އަތޮޅުތަކުން 467 މީހުންނާއި އޮޕަރޭޝަނަލް ރިސޯޓުތަކުން 29 ހިމެނެ އެވެ.
ރާއްޖޭގައި މިވަގުތު 20،276 މީހުންނަށް ކޮވިޑަށް ފަރުވާ ދެމުން އަންނަ އިރު، އޭގެ ތެރެއިން 280 މީހުުންނަށް ފަރުވާ ދެމުން ދަނީ ހޮސްޕިޓަލްގައި އެޑްމިޓްކޮށްގެން ނެވެ.
މިހާތަނަށް ރާއްޖެއިން ކޮވިޑް-19 އަށް ޕޮޒިޓިވް ވި މީހުންގެ އަދަދު ވަނީ 50،802 އަށް އަރާފައެވެ.
މިބަލީގައި ރާއްޖެއިން ނިޔާވި މީހުންގެ ޢަދަދު މިހާރުމިވަނީ 116 އަށް އަރާފަ އެވެ.