ފަލަސްތީނާއި އަލް ގުދުސްގެ މައްސަލައަކީ މުޅި އިސްލާމީ އުއްމަތުގެ މައްސަލައެއް: ޚުތުބާ
ފަލަސްތީނާއި އަލް ގުދުސްގެ މައްސަލައަކީ މުޅި އިސްލާމީ އުއްމަތުގެ މައްސަލައެއް ކަމަށް މިއަދުގެ ހުކުރު ޚުތުބާ ބުނެފި އެވެ.
“ފަލަސްތީނު އިސްލާމީ އުންމަތުގެ ޒިންމާއެއް” މި މަޢުޟޫއަށް މުޅި ރާއްޖޭގައި ކުރިއަށް ގެންދިޔަ ހުކުރު ޚުތުބާގައި މި މުގައްދަސް ބިމުގެ މައްސަލަ އިސްލާމީ އުންމަތުގެ މައްސަލައަކަށް ނުވާންވީ ކީއްވެތޯ ވަނީ ސުވާޅު ކުރައްވާފަ އެވެ.
އެއީ މުސްލިމުންގެ ފުރަތަމަ ޤިބްލަ ކަމަށާއި މުސްލިމުންގެ އެންމެ މުގައްދަސް ތިން ހަރަމްފުޅުގެ ތެރެއިން އެއް ހަރަމްފުޅު ކަމަށް ވެސް ވަނީ ބުނެފަ އެވެ. އަދި ދަތުރުހަދައިގެން ދިއުމަށް އަންގަވާފައިވާ ތިން މިސްކިތުގެ ތެރެއިން އެއް މިސްކިތް ކަމަށް ވެސް ވަނީ ބުނެފަ އެވެ.
“ފަލަސްތީނުގެ މައްސަލައަކީ ދާޚިލީ މައްސަލައެއް ނޫން. އެއީ ހުރިހާ މުސްލިމުންގެ މައްސަލައެއް. މުސްލިމުންގެ ބިމަކަށް ކާފިރުން އަރާ، އެބިން ފޭރިގެންފިނަމަ، އެމީހުންގެ ކެކުޅުންތަކަށާއި ގިސްލުންތަކަށާއި ރުއިންތަކަށް އިޖާބަދޭން ޖެހޭނެ. އެބިން މިނިވަން ކުރުމަށްޓަކައި އެންމެހައި މުސްލިމުން އެކަތިގަނޑަކަށްވެ، މަަސައްކަތް ކުރަން ޖެހޭނެ.” ޚުތުބާގައި ބުނެފައި ވެއެވެ.
މިލިޔުން ކިޔާލުމުން
