ކޮވިޑުގައި މިއަދު 7 ވަނަ މީހާ ނިޔާވެ، 112 އަށް އަރައިފި
ކޮވިޑުގައި ރާއްޖެއިން މިއަދު 7 ވަނަ މިހާ ނިޔާވެއްޖެ އެވެ.
މަޢުލޫމާތު ލިބިފައިވާ ގޮތުގައި ދާދި ދެންމެ ނިޔާވެފައިވަނީ އައިޖީއެމްއެޗްގެ އެމަޖެންސީ ރޫމަށް ގެންދިޔަ އަންހެނެކެވެ.
އެޗްޕީއޭ އިން ބުނީ އެއީ 62 އަހަރުގެ ދިވެހި އަންހެނެއް ކަމަށެވެ. އަދި އޭނާ ނިޔާވެފައިވަނީ 12:16 ގައި ކަމަށެވެ.
Today a 62-year-old Maldivian female brought to IGMH/ER was declared dead at 12:16 pm
This is the 112th COVID-19 death in the Maldives
Our thoughts and prayers are with the bereaved family. May Allah grant her soul eternal peace in heaven
— Health Protection Agency (@HPA_MV) May 19, 2021
މި މަރާއެކު މިހާރު ކޮވިޑް ޖެހިގެން ނިޔާވި މީހުންގެ އަދަދު މިވަނީ 112 އަށް އަރާފައެވެ.
ރޭ ދަންވަރުން ފެށިގެން މިއަދު ހެނދުނާ ހަމައަށް ކޮވިޑު ބަލީގައި ރާއްޖެއިން ވަނީ 6 މީހަކު ނިޔާވެފަ އެވެ.
އެއީ ލާމު ގަމުގައި ހުންނަ ކޮވިޑް ފެސިލިޓީގައި ފަރުވާދެމުން ދިޔަ 87 އަހަރުގެ ދިވެއްސަކާއި 69 އަހަރުގެ ދިވެއްސަކާއި އައިޖީއެމްއެޗް އީއާރުގައި ފަރުވާދެމުން ދަނިކޮށް މަރުވި 73 އަހަރުގެ ދިވެއްސަކާއި ހުޅުމާލެ މެޑިކަލް ފެސިލިޓީގައި ފަރުވާދެމުން ދިޔަ 51 އަހަރުގެ ބިދޭސީއަކާ 63 އަހަރުގެ ދިވެއްސަކާއި 66 އަހަރުގެ ދިވެއްސެކެވެ.
ކޮވިޑް މިދިޔަ އަހަރު ރާއްޖެއިން ބަލީގައި ނިޔާވެފައިވަނީ 51 މީހެކެވެ. އެހެންކަމުން މިއަހަރު ތެރޭ މިއަދާ ހަމައަށް މަރުވި މީހުންގެ އަދަދު ވަނީ 61 އަށް އަރާފައެވެ.
މަސް ދުވަހުގެ ތަފާސް ހިސާބުތަކަށް ބަލާއިރު މި މަހު މި ކޮވިޑް ޖެހޭ މީހުންގެ އަދަދާއި ބަލީގައި މަރުވާ މީހުންގެ އަދަދު މިހާރުވެސް މި ވަނީ އިންތިހާއަށް ނުރައްކާވާ ދަރަޖައަށް ގޮސްފައެވެ.
މިލިޔުން ކިޔާލުމުން
