ސަޢުދީގެ ކޯލިޝަނުންދަނީ ބައިނަލްއަޤްވާމީ އިންސާނީ ޙައްޤުތަކާ ބެހޭ ޤާނޫނުތަކާ ޚިލާފުވަމުން: ހިޔުމަން ރައިޓްސް
ސަޢުދީ ކޯލިޝަނުންވަނީ ބައިނަލްއަޤްވާމީ އިންސާނީ ޙައްޤުތަކާ ބެހޭ ޤާނޫނުތަކާ ޚިލާފުވެފައިވާކަމަށް ހިޔުމަން ރައިޓްސް ވޮޗްއިން ބުނެފިއެވެ.
ސަޢުދީ ކޯލިޝަނުންވަނީ، ހަނގުރާމައިން ބޭރުން ޔަމަނުގެ ސިޔާސީ މަޝްރަޙު ސުލްޙަވެރިގޮތުގައި ޙައްލުކުރުމަށް ވަކާލާތުކަރަމުންދާ އެގައުމުގެ ސިޔާސީ ފަރާތްތައްވެސް ޤާނޫނާ ޚިލާފަށް ހައްޔަރުކޮށްފަކަމަށް އެޖަމާޢަތުން ޢާއްމުކުރި ރިޕޯޓުގައި ބަޔާންކޮށްފައިވެވެއެ.
މިރިޕޯޓުގައިވަނި ޙޫޘީންގެ ހަނގުރާމަވެރިންނަށްކަމަށް ބުނެ ކޯލިޝަނުން ދީފައިވާ 87 ޣަައިރު ޤާނޫނީ ޙަމަލާ ފާހަގަކޮށްފައެވެ. މިޙަމަލާތަކުގައިވަނީ 1000ށް ވުރެން ގިނަ ޔަމަނުގެ ކުށެއްނެތް ޢާއްމު ރައްޔިތުން ޝަހީދުވެފައެވެ.
ޔަމަނުގެ ބޮޑު ބައެއް ވަނީ ޙޫޘީންގެ ބާރުގެ ދަށުގައިކަމަށްވާޢިރު، ޙޫޘީންގެ ބާރު ނައްތާލުމަށްޓަކައި އެމެރިކާއާ އިނގެރޭސިވިލާތުގެ އެހީގައި ސަޢުދީއިންދަނީ 2015ވަނަ އަހަރުން ފެށިގެން ޙޫޘީން ބަލިކުރުމަށްޓަަކައި އެގައުމުގައި ހަރަކާތްތެރިވަމުންނެވެ.
ޔަމަނަކީ މެދުއިރުމަތީގައި އޮތް އެންމެ ފަޤީރު ޤައުމުގެ ކަމުގައިވާއިރު، އެގައުމުގެ ރައްޔިތުން ދިޔައީ ހަނގުރާމައިގެ ކުރިންވެސް ދަތި އުނދަގޫތައް ތަޙައްމަލުކުރަމުންނެވެ.
ނަމަވެސް މިހަނގުރާމަގެ ސަބަބުން ޔަމަނުގެ ރައްޔިތުން އުފަލަންޖެހުނު ތަކުލީފުތައް އެތައް ގުނަޔަކަށް ވަނީ އިތުރުވެފައެވެ. މިގޮތުން އެގައުމުގައި ކުރަމުންދާ ހަނގުރާމައިގެ ތެރޭގައި މިހާތަނަށް 10000 މީހުން ޝަހީދުވެފައިވާއިރު، އެތައް މިލިއަން މީހުންގެ ގެދޮރުގެއްލި، ޞިއްޙީ ޚިދުމަތްތައް ލިބުމުން އެގައުމުގެ ރައްޔިތުން ވަނީ މުޅިން މަޙުރޫމުވެފައެވެ.