ނޭޕާލް ގައުމީ ފުޓްބޯޅަ ޓީމުގެ ގޯލްކީޕަރ ޓީސީއަށް ކުޅެން އެއްބަސްވެއްޖެ.
ނޭޕާލް ގައުމީ ފުޓްބޯޅަ ޓީމުގެ ގޯލްކީޕަރ ކިރަން ޗެމްޖޮންގް އަންނަ ސީޒަންގައި ޓީސީއަށް ކުޅުމަށް އެއްބަސްވެއްޖެއެވެ.
ނޭޕާލްގެ ގައުމީޓީމުގެ އެއްނަމްބަރ ގޯލް ކިރަން ޗެމްޖޮންގާއި ޓީސީއާއި ދެމެދު މިހާރު ވަނީ މަސްވަރާތަށް ކުރެވި އެއްބަސްވުމަކާ ހަމައަށް އާދެވިފައެވެ.
އެގޮތުން މިހާރު އޭނާގެ ޓްރާންސްފާގެ ކަންކަން ނިންނުމުމަށް ޓީސީން ދަނީ މަސައްކަތް ކުރަމުންނެވެ.
ނޭޕާލްގެ ގައުމީޓީމުގެ ކީޕަރު ކިރަންވަނީ ގިނަ މުބާރާތްތަކެއްގައި ގައުމީޓީމަށް ކުޅެ މޮޅުކުޅުމެއް ދައްކާފައެވެ. އެގޮތުން އޭނާ ވަނީ 2012 ވަނަ އަހަރު ބޭއްވުނު ނެހުރޫ ކަޕާއި 2013 ވަނަ އަހަރު ބޭއްވުނު ސާފް ޗެމްޕިއަންޝިޕް މުބާރާތުގައި ނޭޕާލްގެ ޓީމުގައި ރަނގަޅުކުޅުމެއް ދައްކާފައެވެ.
6 ފޫޓް 6 އިންޗި އިސްކޮޅުގައި ހުންނަ ކިރަން ވަނީ ނޭޕާލްގެ ގައުމީޓީމަށް މިހާތަނަށް ޖުމްލަ 43 މެޗު ކުޅެދީފައެވެ.
ނޭޕާލުގެ ގައުމީޓީމުގެ ގޯލްކީޕަރު ޓީސީއަށް ބަދަލުވުމަށް އެއްބަސްވެފައިވާއިރު މިދިޔަ ސީޒަނުގައި އެޓީމުގައި މޮޅުކުޅުމެއް ދެއްކި ސެންޓޭ އަދި ޑިފެންޑަރ ލިލީ ވަނީ ނިއުއަށް ސޮއިކޮށްފައެވެ.
އެހެން ކަމުން އެކުލަބުން މިހާރު މަސައްކަތް ކުރަމުންގެންދަނީ އޭގެ ބަދަލުގައި މޮޅެތި އިތުރު ކުޅުންތެރިން ހޯދުމަށް މަސައްކަތް ކުރަމުންނެވެ.