ޏ. އަތޮޅު ހޮސްޕިޓަލުގައި ތައިރޮއިޑަށް ސްކްރީން ކުރަންފެށުން.. ރައްޔިތުންނަށް ހިނިތުންވުމެއް..
ޏ. އަތޮޅު ހޮސްޕިޓަލުގައި ތައިރޮޑަށް ސްކްރީން ކުރާ މެޝިނެއް ބަހައްޓާ ޚިދުމަތް އިތުރަށް ފުޅާކޮށްފިއެވެ.
އެރަށުގައި ތައިރޮޑަށް ފަރުވާ ހޯދަމުންދާ 200 އަށްވުރެ ގިނަ މީހުން ތިބޭ އިރު، އެ ބައްޔަށް ސްކްރީން ކުރުމަށް ކުރިން މީހުން ދާން ޖެހެނީ އަތޮޅުން ބޭރަށް ކަމަށެވެ.
ފާއިތުވި މަހުގެ ތެރޭގައި ގެނައި އެ މެޝިން އިންސްޓޯލް ކުރުމަށްފަހު މިހާރު އެ ހޮސްޕިޓަލުން ތައިރޮއިޑް ޓެސްޓު ހެދުމުގެ ޚިދުމަތް ދޭން ފެށުމުން އެ ޚިދުމަތް ހޯދުމަށް އަތޮޅުން ބޭރަށްދާ ދިއުމަށް ލުއިކަމެއް ލިބި، ރައްޔިތުންނަށް ވަރަށް ބޮޑު ހިތްހަމަ ޖެހުމެއް ލިބިގެންދާނެ ކަމަށް އެ އަތޮޅު ކައުންސިލުން ބުންޏެވެ.
އެ ކައުންސިލުން ބުނީ އެ މެޝިން ބޭނުން ކުރުމާ ގުޅޭ ގޮތުން އެ ހޮސްޕިޓަލުގެ ލެބޯޓަރީގައި މަސައްކަތް ކުރާ މުވައްޒަފުން ތަމްރީން ކުރުމަށް ޕްރޮގްރާމެއްވެސް ބާއްވާފައިވާ ކަމަށާއި އަދިވެސް އިތުރު ތަމްރީނު ހޯދައިދިނުމަށް މަސައްކަތް ކުރަމުން އަންނަ ކަމަށެވެ.
ފުވައްމުލަކު ހޮސްޕިޓަލަކީ މިއަހަރުގެ ފެބްރުއަރީ މަހުގެ ތެރޭގައި ތެލެސީމިއާ ޓެސްޓު ކުރުމުގެ ޚިދުމަތްވެސް ދޭން ފަށާފައިވާ ހޮސްޕިޓަލެކެވެ.