އިޤްތިޞާދީ ކޮމެޓީގެ މުޤައްރިރުކަމުގެ މަޤާމަށް އިލްހާމް..
ރައްޔިތުންގެ މަޖިލީހުގެ އިޤްތިޞާދީ ކޮމެޓީގެ މުޤައްރިރުކަމުގެ މަޤާމަށް ދަގެނތީ ދާއިރާގެ މެމްބަރު އިލްހާމް އަޙްމަދު ހޮވައިފިއެވެ.
އޭނާ އެ މަޤާމަށް ހޮވިވަޑައިގަތީ ކޮމެޓީގައި ބައިވެރިވެވަޑައިގެންނެވި މެމްބަރުންގެ އަޣުލަބިއްޔަތުންނެވެ. އިލްހާމުގެ އިތުރުން އެ ކޮމެޓީގެ ނައިބު މުޤައްރިރަކަށް ހޮވިވަޑައިގަތީ މެމްބަރ މުޙައްމަދު އިސްމާޢީލެވެ.
ޕީޕީއެމްގެ ޕާލިމެންޓްރީ ގްރޫޕްގެ ޑެޕިއުޓީ ލީޑަރުކަންވެސް ކުރައްވާ އިލްހާމަކީ ޑީއާރްޕީގެ ޑެޕިއުޓީ ލީޑަރުކަމާއި ޕީޕީއެމްގެ ޑެޕިއުޓީ ލީޑަރުގެ މަޤާމް މީގެކުރިން އަދާ ކުރައްވާފައިވާ ބޭފުޅެކެވެ.
އަދި ޖޭޕީއާ ގުޅިވަޑައިގެން އެ ޕާޓީގެ ޑެޕިއުޓީ ލީޑަރުގެ ގޮތުގައިވެސް އޭނާ ވަނީ މަސައްކަތް ކުރައްވާފައެވެ.