ނެޝަނަލް ޔޫރޯ ރީނަލް އެންޑް ފާރޓިލިޓީ ސެންޓަރގެ ޚިދުމަތް މި މަހުފަށަނީ..
އިންދިރާ ގާނދީ މެމޯރިއަލް ހޮސްޕިޓަލާއި އިންޑިއާގެ އެން.ޔޫ. ހޮސްޕިޓަލް ގުޅިގެން ހިންގުމަށް ހަމަޖެހިފައިވާ ނެޝަނަލް ޔޫރޯ ރީނަލް އެންޑް ފާރޓިލިޓީ ސެންޓަރގެ ޚިދުމަތް މި ނޮވެމްބަރ މަހުގެތެރޭގައި ފެށުމަށް ހަމަޖެހިފައިވާކަމަށް އައިޖީއެމްއެޗުން ބުނެފިއެވެ.
އެ ހޮސްޕިޓަލުން ބުނީ ކުޑަކަމުދާ ނިޒާމުގެ ޚާއްޞަ ސުލަރ ސްޕެޝަލިސްޓް ޑޮކްޓަރުންނަށް ދެއްކުމުގެ ޚިދުމަތް މި މަހުގެ 20 ވާ ހޯމަ ދުވަހު ފެށުމަށް ނިންމާފައިވާ ކަމަށެވެ. އަދި ކިޑްނީ ބަލިތަކަށް ޚާއްޞަ އައިޖީއެމްއެޗުގެ ސްޕަރ ސްޕެޝަލިސްޓް ޑރ. އިބްރާހީމް ޝިހާމްގެ ޚިދުމަތްވެސް އެ ސެންޓަރގައި ކުރިއަށްދާނެކަމަށް އައިޖީއެމްއެޗުން ބުންޏެވެ.
އައިޖީއެމްއެޗުން ބުނީ ކުޑަކަމުދާ ނިޒާމުގެ މައްސަލަތަކަށާއި ގުޅޭގޮތުން ޑޮކްޓަރަށް ދެއްކުމަށް ވެއިޓްލިސްޓު ކުރުމަށް އެ ހޮސްޕިޓަލުގެ 3335336 ނަމްބަރު ފޯނަށް ގުޅުއްވައިގެން ކުރިއަށް ގެންދިއުމަށް އެދޭކަމަށެވެ.
އަދި ހޮސްޕިޓަލުގެ ވެބްސައިޓުންނާއި މޯބައިލް އެޕްލިކޭޝަން އާއި އެސްއެމްއެސް އަދި ހޮސްޕިޓަލަށް ވަޑައިގެންވެސް ވެއިޓްލިސްޓް ކުރެވޭނެކަމަށްވެސް އައިޖީއެމްއެޗުން ބުންޏެވެ.